आर्टीच्या प्रशिक्षणाचा लाभ घ्यावा- व्यवस्थापकीय संचालक सुनिल वारे

 *जय अण्णा भाऊ *

*आर्टीच्या प्रशिक्षणाचा तरुणाईंनी लाभ घ्यावा;*

*व्यवस्थापकीय संचालक सुनिल वारे यांचे आवाहन*

मुंबई, ता. १८: मातंग आणि त्यातील तत्सम जातींच्या उन्नतीकरीता विविध कौशल्य विकास प्रशिक्षण, स्पर्धा परीक्षा पुर्व प्रशिक्षण, विविध योजना राबविण्यात येत आहे. त्यासाठी उमेदवारांनी आपल्या आवडीनुसार स्पर्धा परीक्षा, कौशल्य प्रशिक्षणासाठी नाव नोंदणी करण्याचे आवाहन आर्टीचे व्यवस्थापकीय संचालक सुनिल वारे यांनी तरुणाईला केले आहे. 

तरुणांईनी एकाच वेळी मोठ्या प्रमाणात फॉर्म भरण्यास सुरुवात केल्यामुळे गुगल फॉर्म लोड घेऊन हँग होत असल्याच्या अडचणी नागरीकांनी व्यक्त केल्या होत्या. त्यावर तांत्रिक विभागाने गुगल फार्म ऐवजी आर्टीच्या संकेतस्थळावर उमेदवारांना नोंदणीसाठी नवीन फार्म उपलब्ध करुन दिला आहे. त्यावर जावून उमेदवारांनी नोंदणी केल्यानंतर कौशल्य प्रशिक्षणानुसार त्यांच्या अर्जाची छाननी करुन त्यांना प्रशिक्षण देण्यात येणार आहे. कौशल्य प्रशिक्षण पुर्ण करणाऱ्या उमेदवारांना नोकरीची संधी मिळणार आहे. जे उमेदवार स्वंयरोजगार करण्यासाठी इच्छुक आहेत, त्यांना व्यावसायाकरीता आर्थिक मदतीसाठी प्रयत्न करण्यात येणार आहे. त्यासाठी ऑनलाईन नोंदणी सुरु असल्याची माहिती श्री. वारे दिली.

*चौकट* 1: 

*असे आहेत प्रशिक्षण कोर्सेस*

*स्पर्धा परीक्षा:* एमपीएससी, युपीएससी, बॅंक (आयबीपीएस), रेल्वे, जेईई- नीट, युजीसी- नेट/ सेट, पोलीस/ मिलीटरी.

*कौशल्य विकास:* परदेशात नोकरीसाठी लागणारे विविध कौशल्य प्रशिक्षण व परदेशी उच्च शिक्षणाची संधी, शेतीपुरक विविध व्यवसाय प्रशिक्षण, हार्डवेअर व सॉफ्टवेअर, तसेच कम्प्युटर सर्टिफिकेट संदर्भतील विविध कोर्सेसचे कौशल्य प्रशिक्षण देण्यात येणार आहे. 

*योजना:* पीएच. डी, पोस्ट पीएच. डी संशोधनासाठी अधिछात्रवृत्ती (फेलोशिप)

 

*चौकट 2:*

*नोंदणी कशी करावी:* इच्छुक उमेदवारांनी https://arti.org.in या आर्टीच्या संकेतस्थळावर करिअर हा पर्याय निवडावा आणि ऑनलाईन नोंदणी करावी. किंवा पुढील लिंकवर क्लिक करुन https://arti.org.in/arti-job उमेदवार अर्ज करु शकतात. 

*ऑनलाइन अर्ज करण्याची अंतिम तारीख:* ३१ जानेवारी २०२५- 

*स्वप्नील भालेराव, पीआरओ, आर्टी*

*जय लहुजी *

संकलन - मातंग समाज संघ महा. राज्य

"शिक्षित समाज' सदृढ समाज"